Апат болған жерде түсірілген бейнебаян Instagram парақшаларының бірінде жарияланды.
«Қашан да автобус жүргізушілері жол үстінде телефонмен сөйлеседі, немесе темекі шегеді, бір-біріне жол бермей, осындай апатқа ұшырайды», деп ашуланды желі қолданушылары.
Қалалық полиция департаментінде түсіндіргендей, жол апаты 11 ақпанда сағат 10:30 шамасында болған.
«К. есімді азамат Yutong Bus маркалы автобусты басқарып, Райымбек даңғылы бойымен шығыс бағытта келе жатқан. Қашықтықты сақтамағандықтан, ол Х. есімді азамат басқарған SAZ маркалы автобуспен соқтығысуға жол берді», деді Алматы қаласы ПД анықтау басқармасының бастығы Олжас Шәріпов.
Оның айтуынша, жол апатынан ешкім зардап шеккен жоқ.
«Бұл фактіні Әуезов аудандық полиция басқармасы тергеуде», деп қосты Олжас Шәріпов.
