Экология • 14 Ақпан, 2022

Есіл өзенінде балық неден қырылды?

82 рет көрсетілді

ҚР Экология, геология және табиғи ресурстар министрлігіне қарасты Балық шаруашылығы комитеті Ақмола облысындағы Есіл өзенінде балықтың жаппай қырылу себебін атады. Ведомство балықтардың жаппай қырылуын болдырмау үшін су айдынында тиісті жұмыстар жүргізілгенін атап өтті, деп хабарлайды Egemen.kz.

«Есіл облысаралық бассейндік балық шаруашылығы инспекциясының қызметкерлері балық шаруашылығы су айдындарына мониторинг жүргізу барысында Есіл өзенінде балықтың жаппай қырылуын болдырмау бойынша жұмыс жүргізді. Мұз астында өлген балық жиналып, зертханалық зерттеуге жіберілді», делінген комитет баспасөз қызметінің хабарламасында.

Болжам бойынша, балық мұз астында оттегінің болмауы себебінен қырылуы болуы мүмкін.

«Ақмола облысы Астрахан ауданы Новочеркасское ауылының маңында Есіл өзенінде 85 кг өлі балық жиналды. ҚР АШМ Ветеринарлық бақылау және қадағалау комитетінің Ақмола облыстық аумақтық инспекциясының өкілдерімен бірлесіп байқау жұмыстары жүргізілуде. Қалған балық санитарлық нормаларды сақтай отырып жойылды», деп қосты ведомство.

Сондай-ақ Экология министрлігі өзен суын мәжбүрлі аэрациялау үшін екі мотопомпа орнатылғанын хабарлады, бұл өз кезегінде мұз астындағы суды оттегімен қамтамасыз ету үшін үлкен ынталандыру болмақ. Су қоймасының жай-күйін бақылау жалғасуда.

Айта кетсек, Есіл өзені балық шаруашылығы су айдындарының резервтік қорына кіреді.

Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар