«Килиан Мбаппе мен Эрлинг Холландтың талантты футболшылар екендігіне дау жоқ. Екі жігіттің шеберлігі де жоғары. Алайда алдағы жылдарда олардың деңгейінен кем түспейтін көптеген футболшылар жасындай жарқырауы ықтимал. Өз басым бұл екі футболшының Криштиану Роналду мен Лионель Месси секілді 12 жыл бойы әлем футболының көшбасшысы болатындығын елестете алмаймын. Алдағы 10 жылдың бедерінде жаһанның үздігі атағына лайықты көптеген футболшылар шығатындығына сенімдімін. Килиан Мбаппе екі аяғымен де керемет ойнайды. Оның бойында Тьерри Анриге ұқсас қасиеттер өте көп. Килианның футбол тарихына өз атын алтын әріптермен жазатындығына күмәнім жоқ. Эрлинг Холланд та әлем үздіктерінің біріне айнала алады. Кейде ол баяу қимылдайтындай көрінеді. Оның бәрі алдамшы. Шын мәнінде Эрлинг шапшаң қимылдайтын жігіт. Шеберлігі де бір басына жетеді», дейді ол.
