16 ақпандағы жағдай бойынша Бас прокуратура, ІІМ, ҰҚК және сыбайлас жемқорлыққа қарсы қызмет тергеген барлық қылмыстық істер бойынша соттың санкциясымен 741 күдікті қамауға алынды. Олардың ішінде бұрын сотталған 113 адам, тыйым салынған экстремистік қозғалыстардың 42 қатысушысы мен ұйымдасқан қылмыстық топтардың 35 мүшесі бар.
«Біз жеке тұлғаларды зерттедік және Алматыда тұтқындалған барлық адамдардың портретін жасадық. Негізгі көпшілік - 30 жасқа дейінгі, жоғары білімі және тұрақты жұмыс орны жоқ жастар», деді Елдос Қилымжанов.
Ол, сондай-ақ ұсталғандар арасында жүргізілген анонимді сауалнаманың нәтижелерін де жария етті.
«Әрбір үшінші бүлікші жағдайды пайдаланып, біреудің мүлкін ұрлау арқылы пайда тапқысы келгенін мойындады», деп қосты Елдос Қилымжанов.
