Нью-Йорк қаласының соты бұрынғы мемлекет басшысы азаматтық тергеу аясында пайда болған кәсіпкерлігіне қатысты сұрақтарға заң алдында жауап беруі керек деген шешім шығарды.
Сот Артур Энгорон бейсенбіде Дональд Трамп пен оның екі баласы Иванка мен кіші Дональд Трампқа Нью-Йорк прокуроры былтыр желтоқсанда берген тапсырмаларды орындауды үкім етті.
Энгоронның шешімі бойынша, Трамп пен оның екі баласы 21 күн ішінде жауап беруі керек. Бұл шешімді сот Трамп офисінің адвокаттарын тыңдағаннан кейін қабылдады.
«Басқа жағдайда штаттың бас прокуроры заңдық тұлғаның іс-әрекеттерін тергеуді бастай алады. Өйткені бұған дейінгі тергеу жұмыстары көптеген қаржылық алаяқтыққа дәлел тауып отыр. Сондықтан компания басшылығы заң алдында жауап беруі керек», делінген сот шешімінде.
Л.Джеймс бастаған азаматтық тергеумен қатар Манхэттен прокуратурасының да қылмыстық тергеуі жүргізіліп жатыр. Бұл бұрынғы президент пен оның отбасының жағдайын қиындата түспек.
Джеймс өзінің тергеуінде Трамптың компаниясы гольф курорттар, ғимараттар сияқты активтерді бағалауда алаяқтыққа барғанын анықтағанын мәлімдеді. Ал бұл бағалаулар мемлекеттен көмек алып, салықты жеңілдету үшін жасалады. Алайда Трамптың адвокаттарының айтуынша, бұрынғы президент азаматтық тергеу аясында жауап берген жағдайда оның жауабының барлығы қылмыстық тергеуде өзіне қарсы қолданылуы мүмкін.
Осы ретте Трамптың балаларының адвокаты Алан Футерфас жауап беруден бас тартқанын айта кетейік.
