«Егер олар бірінші болып эвакуацияланса, басқа азаматтарды қалай құтқарады? Кабулдағы жағдай естеріңізде ме? Ол кезде де дәл осылай болған. Яғни, біздің дипломаттарымыз қазір сол жерде жұмыс істеп, азаматтарымызға барынша көмек көрсетуде, содан кейін оларды эвакуациялау туралы мәселені қарастырамыз», деді ҚР СІМ ресми өкілі Айбек Смадияров.
Смадияров дипломаттардың да қарапайым азамат екендігін атап өтті. Олар атыс кезінде қала бойынша қозғала алмайды.
«Қуанышқа орай, біздің азаматтарымыздың арасында зардап шеккендер жоқ. Әзірге бізге ондай деректер келген жоқ. Жағдай дәл осылай бірқалыпты жалғаса береді деп үміттенемін», деп қосты Айбек Смадияров
