CARTO 3V7 Prime – науқастың жүрегіндегі барлық «көріністерді» экранға шығаратын өте ақылды жабдықтармен толтырылған шағын тіреу. Осы арқылы Ресейдегі Іргелі және трансляциялық медицина федералды зерттеу орталығының жетекші маманы Сергей Артеменко отандық клиниканың аритмологтері үшін шеберлік дәрісін өткізді.
«Биыл біз рентгенэндоваскулярлық операциялық блокты халықаралық сапа стандарттарына сәйкес жетілдірдік. Жүрек аритмиясын емдеу ісінде «алтын стандарт» деп танылған CARTO 3V7 Prime, яғни үш өлшемді жүрекішілік навигация жүйесін орнаттық. Бұл жүйе жүрек ырғағы қатты бұзылған науқастарды тиімді емдеуге жол ашады. Ол халықаралық тәжірибеде жүрекке жасалатын түрлі аритмологиялық операцияда сәтті қолданылады», дейді КІАҒЗИ басқарма төрағасы, профессор Роза Қуанышбекова.
Емдеудің ең инновациялық әдістерінің бірі – радиожиілікті аблация (РЖА). CARTO 3V7 Prime пайдалану осындай процедураның тиімділігі мен қауіпсіздігін қамтамасыз етеді. Осы ерекше қондырғы жүректің толық үш өлшемді карталарын жасау және кейде қайғылы жағдайларға душар ететін аритмияның көптеген түрін емдеуге қабілетті.
Ресей кардиохирургі, Новосібір қаласының рентгенэндоваскулярлық диагностика мен іргелі және трансляциялық медицинадағы ФЗО жетекші мамандарының бірі Сергей Артеменконың айтуынша, осы әдіс алынатын параметрлердің дәлдігінің нәтижесінде процедураны тиімді және жылдам етеді. 1 мм-ге дейінгі дәлдікпен 3D-технологиялары аритмия көзін – басқа қан тамырларына зақым келтірмей патологиялық ошақты табуға мүмкіндік береді, пациент толықтай қалпына келеді, тіпті операция барысында нәтиже көрінеді.
CARTO 3V7 Prime операция жасау жүйесімен жарақтандыру – сауығып шыққан пациенттерді көбейтіп, жүрек ырғағының бұзылуларын диагностикалаудың дәлдігін, катетер локализациясы есебінен пациенттерді емдеу мен әдістеменің тиімділігін арттырып, бір пациентте қайта қарау қажеттілігін азайтып, инфаркт, жүрек жеткіліксіздігі, инсульт сияқты басқа да кенеттен болатын өлім мен асқынулардың санын азайтуға мүмкіндік береді.
Осылайша, ақпанның 16-19-ы аралығында шеберлік дәрісі шеңберінде түрлі жастағы жүректің күрделі дерті бар 30 шақты пациентке операция жасалады. Ерекше бір жағдайды айта кету керек, жүкті болғанына 20 апта толған 27 жастағы пациентке операция жасалды. Ол әлі құрып, бас айналуы, есінен тану, жүрек жұмысындағы үзілістер, қалыпты дене қимылы кезінде де ентігу, жалпы әлсіздік, шаршау секілді белгілермен бірге жүретін жүрек соғысының жиілену ұстамасына шағымданған. Пациентке пароксизмалды қарыншаүсті тахикардия диагнозы қойылды. Синкопе. Операция сәтті өтті. Жүкті келіншектің жағдайы қазір жақсы.
CARTO 3V7 Prime жүрекішілік навигацияның осы үшөлшемді жүйесі Алматы қаласында тек Кардиология және ішкі аурулар ҒЗИ-да, ал астанада – Ұлттық ғылыми кардиохирургия орталығында орнатылған.
АЛМАТЫ
