Аймақтар • 01 Наурыз, 2022

Су қоймаларында қардың көлемі аз

112 рет көрсетілді

Көктемгі су тасқынына дайындыққа Ақтөбе облысында 250 млн теңге бөлінді. Қазір елді мекендерден 171 мың тонна қар шығарылып, 70 тонна жанар-жағармай қоры жинақталды, су басу қаупі бар жерлерге 400 техника жұмылдырылды. Бұл туралы өңірлік коммуникациялар қызметінде Ақтөбе облыстық ТЖД басқарма басшысының орынбасары Қайрат Қасым баяндады.

Ақтөбе облысында су та­су қаупі сақталған 34 елді ме­кенде 11 мыңнан аса адам тұрады. Әр жылдары дала­лық өзендер жағасында орналас­қан 13 елді мекенді су басқан. Соның ішінде жыл сайын көк­темгі су тас­қыны қауіп төнді­ретін 4 елді мекен бар. Осы елді мекендердің жанындағы ескі бөгеттер үлкейтіліп, өткелдер тазартылған соң үш жылдан бері 4 ауылды су басқан жоқ.

Ақтөбе облысы тұр­ғын­дары соңғы бес жылдан бері құрғақ­шылықтың зардабын тартып келеді. Жылдар бойы қыста қар аз жауып, көктемде жауын-шашын тым аз жау­ғандықтан да бастауын Мұғалжар қыраттарынан алып, көктемде қар суымен толығатын дала өзендерінің арналары тартылып кетті. Соның салдарынан Ақтөбе қаласының іргесіндегі 3 су қоймасындағы су деңгейі ортадан төменге түсті.

Қазгидромет мекемесі өңір­лік филиалының ма­мандарының хабарлауын­ша, бүгінде Қар­ға­лы, Ақтөбе, Сазды су қоймала­рындағы қатқан мұздың деңгейі 18-35%-ға тең. 245 млн текше метр су сиятын Ақтөбе қой­ма­сында 68 млн текше метр су жиналса, Қар­ғалы су қойма­сының толу деңгейі – 32%, ал Саз­ды су қоймасы 36%-ды құрапты.

Қазгидромет филиа­лының мамандары 18-22 қаңтарда Елек, Қарғалы, Ор, Темір, Ойыл, Қо­с­ес­тек өзендеріндегі қар ­жа­­­мылғысын тексерді. Нә­ти­­же­сінде, Елек өзеніндегі қар жа­мылғысы өткен жылмен са­лыс­­тырғанда 40%-ға, Қарғалы өзе­нінде 15%-ға жоғары екені анықталды. Сондай-ақ Темір өзеніндегі ылғал мөлшері 62 мм болса, Ырғыз, Ор, Қосестек өзендеріндегі ылғалдылық дең­гейі 35 мм-ді көрсет­ті. Ал Ойыл өзені бас­сейнінде ылғалдану дең­гейі былтырғыдан 45%-ға көтерілген немесе 46 мм-ді құ­рай­ды. Ақпан айының екінші жартысында қардың қалың түсуі далалық өзен­дер арнасында судың кө­беюіне әсер етеді деген болжам бар.

Биыл былтырғыға қара­ғанда жерде тоң біршама қалың. Тоң қалың болса, көктем шыға ылғал бірден жерге сіңбей, топырақтың беткі қабатында ұзақ сақ­талып, жердің тез көктеуіне және шөп­тің қурап кетпеуі­не жақсы әсері бар. Ақтөбе облысында Алға ауданында ғана жердің тоңы қалың, 100 мм-ді құраса, ең азы – Мәртөк ауданында, тоңның қалыңдығы – 20 мм.

ТЖД мамандарының ха­барлауынша, еріген қар суы кедергісіз өтуі үшін теміржол мен тасжол­дар бойындағы 3 мыңнан астам өткел мен 660 ша­ғын көпірдің бойын тазарту қажет. Өңірде су өткі­зетін құрылыстарды тазалау 10 наурыздан бастала­ды. Ақтөбе облысында бөгеттер мен өткелдер ес­кір­ген, алыс ауылдардағы гидравликалық қондыр­ғылардың көбі кеңес заманынан бері жаңартылмаған. Алдағы жылдары қараусыз қалған 15 бөгетті қайта тұрғызу керек.

Қала-ауыл көшеле­рін­­дегі қар күн жылынбай тұрып шыға­рылмаса, сәуір­дің басында өзендер тасығанда жағасындағы ор­наласқан біраз елді мекенді басып қалу қаупі бар. Ай­та кету керек, Ақтөбе облысы су басу қаупі орта­ша деңгейдегі өңірлер қата­рында тұр.

 

Ақтөбе облысы

Соңғы жаңалықтар

Күзде ауа райы қандай болады

Ауа райы • Бүгін, 13:33

16 тамызға арналған валюта бағамы

Экономика • Бүгін, 09:47

Ұқсас жаңалықтар