Әңгіме арқауы мемлекеттік қызметтің қазақстандық моделі

Вашингтон қаласында (АҚШ) Америка мемлекеттік басқару қоғамының (ASPA) 75 жылдығына орай мерекелік конференциясы шеңберінде «Мемлекеттік қызметті жетілдіру стратегиялары: Қазақстан мысалдары» арнайы сессиясы болып өтті. Мемлекеттік қызмет істері агент­тігінің төрағасы Әлихан Бай­­менов конференция қаты­­­су­­­­­шы­ларын Қазақстан Респуб­­ли­­ка­сы­ның мемлекеттік қызмет жүйе­с­інің эволюциясымен, сон­дай-ақ, ре­­формалардың жаңа кезе­ңінің басымдықтарымен таныстырды. Атап айтқанда, «Мемлекеттік қызмет туралы» Заңдағы түбегейлі жаңалықтарға, кадрларды ірік­теу және ілгерілету кезінде мери­тократия қағидаттарын сақтау­ға, этикалық және сыбай­лас жем­­­қорлыққа қарсы бақылау­ды кү­­­шейтуге, персоналды­­ бас­­­­­қарудың инновациялық тетікте­ріне, «А» басқарушылық кор­­­­пусының құрылуына, мемле­кеттік қызметтер көрсету сапа­сын ба­қылауға, мемлекеттік қызмет­­­­ші­лерді оқытуға және т.б. жан-жақты тоқталды. Қазақстан Президентінің жа­нындағы Мемлекеттік басқару академиясы ҒЗИ директоры Е.Жаркешов Қазақстандағы мем­лекеттік қызмет саласындағы оқыту жүйесі мен ғылыми-зерт­теу­лер туралы баяндама жасады. Талқылауға ASPA президенті және АҚШ-тың Еңбекақы жө­нін­дегі федералдық кеңесінің басшысы Стив Кондри, Басқарушылық буынның біліктілігін арттыру федералдық институтының бұ­рынғы директоры және ASPA конференциясының құрметті тең төрағасы Честер Ньюланд, БҰҰ-ның Қазақстандағы резидент үйлестірушісі Стивен Тулл және т.б. қатысты. Талқылауға қатысушылар Қа­зақстандағы мемлекеттік қызмет саласында жүргізіліп жатқан реформаларға жоғары баға берді және саяси қызметшілердің сегіз есеге қысқартылып, «А» кор­­пу­сының құрылуын Президент Н.На­зарбаевтың мемлекеттік қызметті кәсібилендіруге бағытталған ерік-жігерінің жарқын көрінісі ретінде атап айтты. Конференцияның қатысу­шы­лары Астанадағы Мемлекеттік қызмет саласындағы өңірлік хаб бастамасының маңыз­­­дылығын атап өтті. Талқылау қорытындысында Ә.Байменов панельдік сессия қа­­­ты­сушыларының қызығушылық та­нытқан сұрақтарына жауап берді. «Егемен-ақпарат».