![Боранға байланысты астанадан шығатын жолдар қайта жабылды](/media/2022/03/07/crop-0_12_487x900_632e2eb3c79b41d393dfc9c9a1304c6d_xl.jpg)
Ikomek қалалық шұғыл қызметі таратқан мәліметке сенсек, 7 наурыз күні сағат 14.20-дан бастап Нұр-Сұлтаннан шығатын бірқатар республикалық жолдар жабылады.
Нақтылап айтқанда, «Екатеринбург - Алматы» жолының 917-1247 шақырым аралығында, «Нұр-Сұлтан - Жақсы ауылы» учаскесінде көліктің барлық түрінің жүруіне тыйым салынған.
Сонымен қатар сағат 15.00-ден бастап «Нұр-Сұлтан - Петропавл» жолының 18-231 шақырымдарының аралығында, «Нұр-Сұлтан - Щучинск» учаскесінде көліктің барлық түрлерінің қозғалысына шектеу қойылды.
Мұның алдында астанадан бүкіл бағытта жол ашылғаны хабарланған болатын.