Егемен Қазақстан • 09 Наурыз, 2022

«Egemen Qazaqstan» АҚ Басқарма төрағасының орынбасары ауысты

1006 рет
көрсетілді
1 мин
оқу үшін

2016 жылдың шілдесінен бастап «Egemen Qazaqstan» газетінде және басқармада қажырлы қызмет етіп келген Айбын Шағалақтың басқа жұмысқа ауысуына байланысты «Egemen Qazaqstan» АҚ Басқарма төрағасының орынбасары болып Жандос Бәделұлы тағайындалды, деп хабарлайды Egemen.kz.

«Egemen Qazaqstan» АҚ Басқарма төрағасының орынбасары ауысты

Ол 1978 жылы 10 қарашада Моңғол Халық Республикасының Баянөлгей аймағында дүниеге келген. 2000 жылы Е.Бөкетов атындағы Қарағанды мемлекеттік университетінің журналистика факультетін бітірген.

«Жас Алаш», «Астана ақшамы» газеттерінде еңбек жолын бастаған. «Фолиант» баспасында бас редактор, «Қазақстан теміржолшысы», «Айқын» газеттерінде тілші, ҚР Жоғарғы соты мен Әділет министрлігіне қарасты «Заң» медиакорпорациясында Астана өкілдігінің директоры, «Алаш айнасы» газетінде Астана бюросының жетекшісі болған. Сонымен қатар Қазақстан Республикасы Президентi әкімшілігінде қызмет еткен.

Кейінгі жылдары Халықаралық Түркі академиясының Баспа және кітапхана бөлімінің меңгерушісі болып жұмыс істеді.

Еске салсақ, Жандос Бәделұлы бұрын да «Egemen Qazaqstan» республикалық газеті» акционерлік қоғамы Басқарма төрағасының орынбасары болып еңбек еткен. Ол 2017 жылы бұл лауазымнан өз өтінішімен босатылған.

о

о