«Елдің солтүстігінде, шығысында, орталығында қар жауады, батысы мен оңтүстігінде жаңбыр жауады. Республика бойынша кей жерлерде тұман, желдің күшеюі, батыста - көктайғақ, оңтүстікте - найзағай күтіледі», делінген «Қазгидромет» РМК хабарламасында.
Жамбыл облысының таулы аудандарында тұман, облыстың оңтүстік-батысында, солтүстік-батысында – 15-23 м/с дейін жел күшейеді.
Түркістан облысының таулы аудандарында найзағай ойнап, жел 17-22 м/с күшейеді.
Алматы облысының шығысында желдің жылдамдығы 15-20, түнде екпіні 23 м/с, түнде және таңертең оңтүстікте, облыстың орталығында тұман күтіледі.
Ақмола облысының оңтүстігінде, батысында тұман, күндіз облыстың оңтүстік-шығысында екпіні 15-20 м/с жетеді.
Батыс Қазақстан облысының солтүстігінде, оңтүстік-батысында тұман, көктайғақ, күндіз жел 15-20 м/с күшейеді.
Атырау облысының солтүстігінде тұман, көктайғақ, облыстың шығысында желдің жылдамдығы 15-20 м/с жетеді.
Маңғыстау облысының оңтүстігінде, солтүстігінде жел 15-20 м/с күшейеді, түнде және таңертең батыста тұман түседі.
Күндіз Ақтөбе облысының орталығы мен оңтүстік-батысында жел 15-20 м/с күшейеді.
Қостанай, Солтүстік Қазақстан облыстарының оңтүстігінде, Шығыс Қазақстан облысының солтүстігінде, шығысында тұман күтіледі.
Нұр-Сұлтанда көшпелі бұлт шығады, жауын-шашынсыз. Солтүстік-шығыстан 5-10 м/с жел соғады, түнде ауа температурасы -13...-15°С, күндіз -7...-9°С.
Алматыда көшпелі бұлт шығады, түнде және таңертең жаңбыр жауады. Жел 2-7 м/с, түнде ауа температурасы +2...+4°С, күндіз +10...+12°С.
Шымкентте көшпелі бұлт шығады, түнде жаңбыр жауады, кей кезде қатты жаңбыр жауады, күн күркірейді. Оңтүстік-шығыстан 8-13 м / с жел соғады, күн күркіреген кезде екпіні 17-22 м/с жетеді, ауа температурасы түнде +2...+4°С, күндіз +17...+19°С.
