Мемлекет басшысы жылдың басты құжатында қасіретті қаңтар оқиғасындағы мәселелерге де жан-жақты тоқталды. Ол өз сөзінде ел тұтастығын сақтау жолында жасалып жатқан жұмыстарды жоққа шығаруға ұмтылған жоғары лауазымдағы азаматтардың сатқындығы жанына батқанын да атап өтті. Сондай-ақ ел дамуында саяси жаңғыру болуы керектігін тіліне тиек етті.
«Халыққа қажетті реформаларды жүзеге асыру – менің мемлекет басшысы ретіндегі басты міндетім. Саяси жаңғыру болмаса, елімізді орнықты дамыту, ауқымды әлеуметтік-экономикалық өзгеріс жасау мүмкін емес. Бұл – анық нәрсе», деді Президент.
