Тарих • 17 Наурыз, 2022

Есмұхановты еске түсіреді

40 рет көрсетілді

Жезқазғандағы тарихи-археологиялық музейде әнші, сазгер, Қазақстанның мәдениет қайраткері Болат Есмұхановтың кезінде өзі қолданған музыкалық аспап – синтезатор сақтаулы тұр. Аталған жәдігерді мұражайға Халықаралық театр сыншылары бірлестігінің мүшесі Бахтияр Тұрсын өткізіпті.

Белгілі әнші-композитор Болат Есмұхановтың есімі өнер­сүйер қауымға жақсы таныс. Дарын иесі өткен ғасыр­дың 60-70-ші жылдары қазақ эстрадасында құбылыс болған «Қаракөз» ансамблінің негізін қалаушылардың бірі болды.

Осы ұжымның құрамында жүріп, ол тыңдарман қауым жылы қабылдаған бірнеше ән жазды. Солардың қатарында 1963 жылы дүниеге келген «Сағыныш» әнін айтуға болады. Сонымен бірге ол сөзін Тұманбай Молдағалиев жазған «Махаббат мұңы» атты әннің де музыкасын шығарған.

Жезқазған тарихи-архео­логиялық музейінің ғылыми қыз­меткері Ақнұр Рахметова әнші-композитордың өнердегі екінші тынысы 1974 жылы облыста жаңа құрылған фи­лар­монияға әнші болып жұ­мысқа қабылданғаннан кейін ашылғанын айтады.

«Осы филормания құра­мындағы «Жезкиік» ансам­блінің әншісі әрі гитарашысы бола жүріп, ол сол кездері ха­лық арасында кең тараған «Асы­лым», «Сағыныш» ән­дерін жазды. Белгілі ақын Бә­кір Тәжібаев Жезқазған өңі­ріне шығармашылық сапармен келгенде, өнер иелері тізе қосып, «Сәнім-ау», «Жалғыз жапырақ» әндерін шығарған», – дейді ол.

Сондай-ақ Есмұхановтар отбасы өнерлі шаңырақ ре­тінде де танымал. Олар Жез­қаз­ған қаласында 1988 жылы өт­кен «Байқоңыр дауысы» фес­­тивалінің лауреаты атан­ған.

 

Қарағанды облысы,

Жезқазған қаласы

Соңғы жаңалықтар

Алматыда троллейбус өртенді

Оқиға • 24 Маусым, 2022

ТүркПА-ның атауы өзгереді

Парламент • 24 Маусым, 2022

Ұқсас жаңалықтар