![40 шақты шағын кәсіпорын тауарларын экспорттауды меңгерді](/media/2022/03/19/almaty.jpg)
Осы жобаны іске асырған Халықаралық сауда орталығы (ХСО) өңірлік іс-шарада экспортты басқаруды оқыту жөніндегі бастаманың (EMCI) қандай нәтиже бергенін көрсету үшін қорытынды іс-шара ұйымдастырды.
EMCI бизнесі барларға экспорттық операцияларды басқаруда туындайтын күнделікті мәселелерді шешуге көмектеседі. Бастама өндірістен қол үзбей, бенефициарлар аумағында жүргізілетін жеке оқытудан тұрады. Қазірге Орталық Азияның барлық бес еліндегі 212 кәсіпорын бастама аясында берілген құралдарды, білім мен техникалық көмекті пайдаланған. Аталмыш жобаның Қазақстандағы ұлттық серіктестері – «QazTrade сауда саясатын дамыту орталығы» АҚ мен Қазақстан Республикасының Сауда және интеграция министрлігі.
Өткен жылы да EMCI бастамасын үйлестіруді басқарған ХСО-ның саудаға жәрдемдесу жөніндегі кеңесшісі Огюстен Баре: «COVID-19 пандемиясының Орталық Азия экономикасына әсері үлкен болды және оның алдағы жылдары одан әрі дамуы мен әртараптандырылуына ауыр зардаптар әкеледі. Қалпына келтіру өңірдегі жаһандық әлеуметтік-экономикалық ландшафттың негізі болып қала беретінін ескере отырып, ШОК күші мен тұрақтылығына негізделеді», дейді.
«Осы тұрғыда Ready4Trade жобасы шеңберінде экспортты басқаруды оқыту бастамасы ең маңызды кезеңге сәйкес келіп отыр. Бұл бастама өңірдегі экспорттаушылардың саудадағы кейбір негізгі кедергілерін жоюға ықпал етеді әрі экспортты басқару туралы жалпы білімдерін жақсартты», дейді Огюстен Баре.
Алматыда өткен өңірлік іс-шарада 2021 жыл ішінде іске асырылған коучингтік миссияларды өткізуден алынған сабақтар көрсетілді. Сондай-ақ, қатысушылар көрмеде ұсынылған бенефициарлардың тауарларымен жақынырақ танысуға мүмкіндік алды. Іс-шараға қатысушылар EMCI-ді өңірге бейімдеу және болашақта жобаның тұрақтылығын қамтамасыз ету бойынша өз бақылаулары мен ұсыныстарымен бөлісті.
Мысалы, 2021 жылы Қазақстанның сыртқы сауда айналымы 60,3 миллиард доллардан асқан. Тауарлардың басым бөлігін Қазақстан Еуропаға экспорттады - 25,2 млрд доллар, бұл экспорттың жалпы көлемінің 41,8% - ын құрайды.
Ready4Trade Орталық Азияның бес елінде өңірішілік және халықаралық сауданы дамытуды қолдауға бағытталған. 4 жылдық бастама ЕО қаржыландыратын ірі бағдарламаның сауда компоненті болып табылады, ол инвестицияларды, бәсекеге қабілеттілікті және сауданы қолдауға бағытталған, осылайша өңірдегі тұрақты және инклюзивті экономикалық дамуға ықпал етеді. Ready4Trade жобасын Еуропалық Одақ қаржыландырады және Халықаралық сауда орталығы іске асырады.
Алматы