Қазақстан теннис федерациясының мәліметі бойынша, жерлесіміз Заңғар Нұрланұлы 14 жасқа дейінгі теннисшілер арасында 20 аптадан бері көшбасшылықты ешкімге бермей келеді. Қазіргі таңда қазақстандық спортшының еншісінде 505 ұпай бар. Сондай-ақ ТОП-150 теннисшінің қатарына Қазақстанның тағы екі өкілі енген. Атап айтқанда, Дамир Жалғасбай 38-орынға жайғасса, Даниэль Тазабеков 129-сатыда тұр.
Junior Masters – Еуропаның 14 және 16 жасқа дейінгі ең үздік жас теннисшілері бақ сынайтын ірі жарыс. Бұл жарыста кезінде Рафаэль Надаль, Ким Клейстерс, Александр Зверев, Белинда Бенчич сияқты теннисшілер чемпион атанған.
