![Өзбекстан мен Түркия Президенттері шағын құрамда келіссөз жүргізді](/media/2022/03/30/crop-20_15_826x1239_3dw9hddydqakfar9jtvqmd53pmpuqzzxttdxanvb.jpg)
Куксарой резиденциясында Шавкат Мирзиёев пен Режеп Тайып Ердоғанның шағын құрамдағы келіссөздері өтті.
Екі ел басшылары өзара сыйластық, достық және сенімге негізделген көп қырлы өзбек-түрік ынтымақтастығын одан әрі дамыту жөнінде пікір алмасты.
Келіссөздер барысында екі ел арасындағы стратегиялық әріптестік қатынастарының деңгейін көтеру, саяси, парламентаралық, сауда-экономикалық және мәдени-гуманитарлық байланыстарды тереңдету мәселелеріне басты назар аударылды.
Шавкат Мирзиёев пен Режеп Тайып Ердоған Өзбекстан мен Түркия арасындағы ынтымақтастықтың маңызды бағыты бірлескен жобалар мен бағдарламаларды жүзеге асыру арқылы сауда-экономикалық және инвестициялық байланыстарды одан әрі кеңейту екенін атап өтті.