«Дәл қазіргі таңда «Канело» өзі қалаған биікке көтерілді. Ол қандай қадамға барса да, біз Сауль бүгінгі кәсіпқой бокстың бет-бейнесі екенін түсінеміз. Бір сөзбен айтқанда Сауль – кәсіпқой бокс әлемінің бүгінгі Мейвезері. Ол қалаған боксшысымен жұдырықтасады. Әйткенмен мен Сауль үшін ең қауіпті қарсылас Давид Бенавидес деп ойлаймын. Бенавидес жас әрі жеңіске деген құштарлығы зор. Ол бірнеше соққыдан тұратын мықты комбинацияларымен кімді де болсын састырады. Кезінде мен «Канелоға» мүмкіндік бердім. Сол секілді ол да Бенавидес пен Джермалл Чарлоға мүмкіндік бергені жөн», деді Флойд Мейвезер FightHype.com-ға берген сұхбатында.
