Кеше Қазақстан Республикасы Сыртқы істер министрінің міндетін атқарушы Ерлан Ыдырысовтың Ресей Федерациясына ресми сапары басталды. Сапар екі ел президенттерінің арасында қол жеткізілген стратегиялық келісімдерді іске асыруға бағытталған Қазақстан мен Ресей сыртқы саясат ведомстволары басшыларының жыл сайынғы өзара сапар алмасу дәстүрі аясында өтуде, деп хабарлады ҚР СІМ-інің баспасөз қызметі.
Сапар барысында қазақстандық делегация мен Ресей Сыртқы істер министрі Сергей Лавров бастаған ресейлік делегация арасында шағын және кеңейтілген құрамдарда толықпішінді келіссөздер жүрді. Тараптар саяси, сауда-экономикалық және мәдени-гуманитарлық салалардағы Қазақстан-Ресей ынтымақтастығының қазіргі жағдайы мен болашағын талқыға салды, сондай-ақ, халықаралық күн тәртібіндегі кең ауқымды мәселелер бойынша пікір алмасты.
Аймақаралық және шекаралық ынтымақтастықты нығайту бойынша нақты қадамдарға, ғарыш, энергетика және көлік-коммуникация салаларында өзара ықпалдастықты кеңейтуге, сонымен қатар, 2012 жылғы 19 желтоқсан күні екі елдің президенттері бекіткен 2013-2015 жылдарға арналған Бірлескен іс-қимыл жоспарын тиімді іске асыру мәселелеріне ерекше назар аударылды.
Сонымен қатар, сыртқы саясат ведомстволарының басшылары халықаралық бірлестіктер аясындағы, соның ішінде ТМД, ҰҚШҰ, ЕҚЫҰ, ШЫҰ, АӨСШК және БҰҰ шеңберіндегі өзара ықпалдастық мәселелерін, Орталық Азия өңірінде тұрақтылық пен қауіпсіздікті қамтамасыз ету мәселелерін қарастырып, Каспий мәселесі бойынша пікір алмасты.
Е.Ыдырысов пен С.Лавров Украинадағы жағдай мен бұл елдегі дағдарысты реттеу жолдарын кеңінен талқыға салды.
Келіссөздер қорытындысы бойынша Қазақстан мен Ресей сыртқы саясат ведомстволары арасындағы 2014 жылға арналған Өзара ынтымақтасу жөніндегі іс-шаралар жоспарына қол қойылды. Оның жүзеге асуы Қазақстан мен Ресей арасындағы әріптестік және одақтастық қарым-қатынастың тереңдеуіне мүмкіндік береді.
Е.Ыдырысов өзінің Мәскеуге сапары аясында ТМД-ға және ҰҚШҰ-ға қатысушы елдер Сыртқы істер министрлерінің кеңесіне қатысатын болады.
Кеше Қазақстан Республикасы Сыртқы істер министрінің міндетін атқарушы Ерлан Ыдырысовтың Ресей Федерациясына ресми сапары басталды. Сапар екі ел президенттерінің арасында қол жеткізілген стратегиялық келісімдерді іске асыруға бағытталған Қазақстан мен Ресей сыртқы саясат ведомстволары басшыларының жыл сайынғы өзара сапар алмасу дәстүрі аясында өтуде, деп хабарлады ҚР СІМ-інің баспасөз қызметі.
Сапар барысында қазақстандық делегация мен Ресей Сыртқы істер министрі Сергей Лавров бастаған ресейлік делегация арасында шағын және кеңейтілген құрамдарда толықпішінді келіссөздер жүрді. Тараптар саяси, сауда-экономикалық және мәдени-гуманитарлық салалардағы Қазақстан-Ресей ынтымақтастығының қазіргі жағдайы мен болашағын талқыға салды, сондай-ақ, халықаралық күн тәртібіндегі кең ауқымды мәселелер бойынша пікір алмасты.
Аймақаралық және шекаралық ынтымақтастықты нығайту бойынша нақты қадамдарға, ғарыш, энергетика және көлік-коммуникация салаларында өзара ықпалдастықты кеңейтуге, сонымен қатар, 2012 жылғы 19 желтоқсан күні екі елдің президенттері бекіткен 2013-2015 жылдарға арналған Бірлескен іс-қимыл жоспарын тиімді іске асыру мәселелеріне ерекше назар аударылды.
Сонымен қатар, сыртқы саясат ведомстволарының басшылары халықаралық бірлестіктер аясындағы, соның ішінде ТМД, ҰҚШҰ, ЕҚЫҰ, ШЫҰ, АӨСШК және БҰҰ шеңберіндегі өзара ықпалдастық мәселелерін, Орталық Азия өңірінде тұрақтылық пен қауіпсіздікті қамтамасыз ету мәселелерін қарастырып, Каспий мәселесі бойынша пікір алмасты.
Е.Ыдырысов пен С.Лавров Украинадағы жағдай мен бұл елдегі дағдарысты реттеу жолдарын кеңінен талқыға салды.
Келіссөздер қорытындысы бойынша Қазақстан мен Ресей сыртқы саясат ведомстволары арасындағы 2014 жылға арналған Өзара ынтымақтасу жөніндегі іс-шаралар жоспарына қол қойылды. Оның жүзеге асуы Қазақстан мен Ресей арасындағы әріптестік және одақтастық қарым-қатынастың тереңдеуіне мүмкіндік береді.
Е.Ыдырысов өзінің Мәскеуге сапары аясында ТМД-ға және ҰҚШҰ-ға қатысушы елдер Сыртқы істер министрлерінің кеңесіне қатысатын болады.
Соңғы жаңалықтар
«AMANAT»-та «Ұлы дала» әдеби байқауы қорытындыланды
Руханият • Кеше
Деректер журналистикасы бойынша оқу курсының таныстырылымы өтті
Аймақтар • Кеше
«Egemen» де, домбыра да сыйлады
Руханият • Кеше
Қасым-Жомарт Тоқаев «Жетісу» волейбол клубының жай-күйімен танысты
Президент • Кеше
