Қоғам • 30 Наурыз, 2022

Жастарға жалға берілетін тұрғын үй бағдарламасы жалғасады

447 рет
көрсетілді
1 мин
оқу үшін

Нұр-Сұлтан, Алматы және Шымкент қалаларында жұмыс істеп жүрген жастарға сатып алу құқығынсыз баспананы жалға беру бағдарламасы 2025 жылға дейін ұзартылады, деп хабарлайды Egemen.kz.

Жастарға жалға берілетін тұрғын үй бағдарламасы жалғасады

Бұл туралы ҚР Ақпарат және қоғамдық даму министрлігінің Жастар және отбасы істері комитетінің төрағасы Шахмардан Байманов мәлім етті.

Оның айтуынша, жуықта ғана Government for zhastar ғылыми-зерттеу орталығының жанынан жастардың мәселелерімен айналысатын алаң құрылған. Осы алаңда қазақстандық жастардың баспана мәселесін талқылау жоспарланып отыр.

«Нұр-Сұлтан, Алматы, Шымкент қалаларында жұмыс істеп жүрген жастарға арендалық баспана берілетінін білесіздер. Бұл бағдарлама 2021 жылға дейін жоспарланған. Аталған өңірлерде бұл бағдарламаны 2025 жылға дейін ұзарту туралы шешім қабылданды», деді ол Президент Жолдауын талқылауға арналған аналитикалық дускурс барысында.

Оның сөзіне қарағанда, өзге өңірлерде де осыған ұқсас бағдарламаны іске қосу жоспарланып отыр.

«2022 жылдан бастап өзге өңірлерде де осыған ұқсас бағдарламалар іске қосылады. Қазірдің өзінде 3-4 өңір ниет білдіріп отыр», деді Шахмардан Байманов.