Аталған турнирде өнер көрсететін командалар төрт себетке бөлінді: Біріншісі – Хорватия, Испания, Франция, АҚШ; Екіншісі – Германия, Италия, Канада, Ұлыбритания; Үшіншісі – Қазақстан, Бельгия, Сербия, Аргентина; Төртіншісі – Швеция, Аустралия, Нидерланд және Оңтүстік Корея құрамалары. Биылғы жылдың 14-18 қыркүйегі күндері Болонья (Италия), Гамбург (Германия), Глазго (Ұлыбритания) және Малага (Испания) қалаларында өтетін бәсекелер барысында осы 16 команда арасынан сегіз мықты анықталады. Олар 23-27 қараша күндері Дэвис кубогының әлемдік тобында күш сынасып, бас жүлдені сарапқа салады.
Естеріңізге сала кетейік, айтулы турнир 1900 жылдан бері ұйымдастырылып келеді. Ең соңғы жарыстың шымылдығы былтыр Испанияның бас шаһары – Мадридте түрілді. Бұл бәсекеде Ресей теннисшілерінің бағы жанды. Финалда олар Хорватия құрамасын 2:0 есебімен ұтты.
