Өнер • 05 Сәуір, 2022

«Көше ақыны» АҚШ-та топ жарды

246 рет көрсетілді

Биыл он жылдық мерейтойы өтіп жатқан АҚШ-тағы Annapolis кино фестивалінде әлемнің түкпір-түкпірінен әр жанрдағы фильмдер бақ сынады, деп хабарлайды Egemen.kz.

Соның ішінде біздің отандасымыз, жас режиссер Самғар Рақымұлының «Көше ақыны» атты қысқаметражды фильмі «Ең үздік қысқаметражды фильм» номинациясын жеңіп алды. Аталған туынды Ұлттық киноны қолдау орталығының қолдауымен, Ш.Айманов атындағы Қазақфильм киностудиясының қатысуымен түсірілген болатын.

Айталық, Самғардың бұл туындысында айтыскер әке мен репер ұлының арасындағы өзара тартыс, ескі мен жаңаның қарама-қайшылығы көрініс табады.

Режиссер бұл фильмі туралы «Көше ақыны» өзімнің ішкі қайшылықтарымның туындысы деп білемін» деген пікірін айтты.

Самғар Рақымұлының «Көше ақыны» осыған дейін «Turkey Internatioanl Amity Short Film Festival» байқауында жүлделі болған. Бұл рет Америкада топ жарған қазақ фильмінің көрермені көп болғай деп тілейміз.

Соңғы жаңалықтар

Күзде ауа райы қандай болады

Ауа райы • Бүгін, 13:33

16 тамызға арналған валюта бағамы

Экономика • Бүгін, 09:47

Ұқсас жаңалықтар