Балықтардың суреттерін Самал Ибраева есімді жергілікті тұрғын Facebook парақшасына жариялаған.
«Ботаникалық бақтағы тоған жасанды, яғни ол тек суару жүйесінің, субұрқақтың қызметіне арналған. Есіл ауданының әкімдігі жасанды су айдынында балық өсірілмейтінін ескертеді. Себебі бұл су айдыны балықтардың тіршілігіне арналмаған. Балық шабақтары мұнда Нұра каналы арқылы табиғи түрде келген болуы мүмкін», делінген әкімдік хабарламасында.
Сонымен қатар әкімдік тоғанның тереңдігі 0,5 метрден 3,5 метрге дейін екенін ескере отырып, су қоймасы толығымен қатып қалатынын түсіндірді.
«Күн жылынған кезде аудан әкімдігі су қоймасын тазарту жұмыстарын бастайды», деді әкімдік өкілдері.
