Жіті респираторлық вирусты инфекцияны жұқтырғандардың 66,9 пайызы балалар. Ауруханаға барлығы 286 науқас жатқызылды, оның ішінде 11-і жүкті әйел, 89-ы бір жасқа дейінгі нәресте.
«Эпидемиологиялық маусым басталғалы тұмаудың 51 жағдайы тіркелді. Сонымен қатар қалада респираторлық синцитиальды вирус, аденовирус, риновирус және коронавирус сияқты тұмауға жатпайтын басқа ЖРВИ вирустары анықталды», деп хабарлады ведомствадан.
2021 жылы жергілікті әкімшіліктің қаражатына ерекше топтағы адамдарды тұмауға қарсы егуге 170 926 доза «Гриппол плюс» вакцинасы сатып алынды.
Еске салайық, 15 қыркүйекте басталған тұмауға қарсы вакцинаны 184 мыңнан астам адам алған. Оның ішінде жекеменшік медициналық орталықтарда жұмыс берушілер есебінен 10 260 адам, өз қаражаты есебінен 2 973 адам егілді.
