Түрмеден де тіліп жеді

Күзет қызметін күшейтуге бөлінген 322 миллион теңге түгенделмей жатыр

Бюджет қаражатын көрген­де жемсауы бүлкілдеп тұратын қомағайлар Атырауда азаяр емес. Басқасы басқа, қу құлқынның қамын күйттегендер енді түрме­нің күзетін күшейтуге бөлінген бюджет қаржысына қол сала бас­тады. Бұған облыстық эко­но­микалық қыл­мысқа және сыбайлас жемқорлық­­қа қар­сы күрес департаментінің тү­зеу мекемесіндегі жөндеу жұмыс­та­рына жаратылуы тиіс бөлінген 322 миллион теңгенің ұрланғанын анықтауы айқын дәлел. Нақтылай айтқанда, «Еңбек Атырау» филиалының директоры 2013 жылдың наурыз-жел­тоқсан айлары аралығында түр­ме­нің инженерлік-техникалық құрал­­дарына күрделі жөндеу жүр­гізуге және тұрғын аймақ объек­тілерін оқшаулауға бай­ланысты Атыраудағы УГ-157/9 мекемесімен келісімшарт жасаған. Алайда, директордың түпкі ойында түрме­­нің айналасынан мыңдап емес, бірне­ше мил­лиондаған қаржыны қарпып қалу жос­пары түзілген секілді. Сөйтіп, түрме күзетін кү­шейтуге жұмсалған құрылыс материалдарының бағасын өсіріп, жобалық-сметалық құжаттарды ауыстыру арқылы ірі көлемдегі (322 миллион теңге) бюджет қаражатын ұрлаған. Қазір аталған факті бойынша «Еңбек Атырау» филиалының директорына қа­­­тыс­ты Қылмыстық кодекстің 176-бабының 3-бөлігі­мен (сеніп тапсырылған бөтен мүлікті иеленіп алу немесе ысырап ету) қыл­мыстық іс қозғалды. Бұл, әрине, бюджет қа­ражатын атырауша ұрлау әдісінің әлі де жуық арада тыйыла қоймайтынын бай­қатады. Жолдасбек ШӨПЕҒҰЛ, «Егемен Қазақстан». Атырау облысы.