Шымкентте 200-ден астам көпқабатты тұрғын үй «3-Энергорталық» қазандығының тозуына байланысты ыстық судан ажыратылады.
Қала тұрғындарына алдын ала Аристон су жылытқышын сатып алу және орнатуға кеңес берілді.
Восток, Север, Отырар, 16, 17 және 18 шағын ауданның тұрғындары су жылытқышқа ауысады. Бұл аудандарды тозығы жеткен «3-Энергорталык» қазандығы ыстық сумен қамтамасыз ете алмайды. Шымкенттің жаңа шағын аудандарына су беру оразаның соңына дейін тоқтатылмайды.
«Тұран, Шымсити ықшам аудандарында ыстық су өшірілмеді, қаланың жартысында ыстық су бар. Жылыту маусымынан кейін тексеріс жүргізгіміз келді, бірақ халық ораза кезінде ыстық суды өшірмеуді өтінді. Сондықтан ораза кезінде барлығында ыстық су өшірілмеді», деді Шымкент қаласының энергетика және коммуналдық шаруашылық басқармасының басшысы Боранбай Болатбеков.
Аяна Тоғанбек
