Қылқобызбен қара үзді

Назерке Әбілхасенова Қара­ған­ды­дағы мамандан­дырылған музыка мектеп-интернатының 11-сыныбында оқиды. Оның таңдаған аспабы – қылқобыз.

 – Қатысушылар арасында консерватория оқытушылары, тәжі­рибелі музыканттар болғандықтан, басында қатты қо­бал­жығаным рас. Әйтсе де, сәтін салып, сегіз нөмірден тұратын бағдарламамды жақсы орындап шықтым. Әр турға төрт туындыдан ойнадым. Жеңемін деген сенім болмаса да, барымды салдым, – дейді ол ағынан жарылып.

Назерке мектепті бітірген соң қай оқу орнына баратынын әлі шешпепті. Дегенмен ол өзінің болашақ өмірі музыкамен байланысты болатынына сенімді.

Ал төрешілер алқасының ше­шімімен байқаудың бас жүл­десі алматылық өнерпаз Әсел Қалдымұратқа бұйырды. Екінші жүлде Қарағанды мен Сәт­баев қала­ларынан қатысқан екі өнер­пазға берілсе, Алматы мен ел­ордадан келген үш қатысу­шы жүлделі үшінші орынды өзара бөлісті.

Жеңімпаздар мен жүлде­герлер дипломдармен және ақ­шалай сертификаттармен марапатталды.