Мемлекет басшысы Қасым-Жомарт Тоқаев өзінің «Жаңа Қазақстан: Жаңару мен жаңғыру жолы» атты Жолдауында атап өткендей, елімізді саяси жаңғырусыз және одан әрі демократияландырусыз прогресс пен ауқымды әлеуметтік-экономикалық қайта құрулар мүмкін емес.
Конституцияға енгізілетін өзгерістерде демократиялық қайта құруға деген адалдықты көрсететін маңызды саяси реформалар бар екенін атап өткен жөн. Шын мәнінде, жаңа өзгерістер мемлекеттіліктің жаңа үлгісі – жаңа Қазақстанды дамытуға серпін береді және Қазақстан азаматтары республикалық референдумда маңызды шешім қабылдайтын болады.
«Республикалық референдум туралы» Конституциялық заңға сәйкес референдумды ұйымдастыру мен өткізу ашық әрі жария түрде жүзеге асады. Қазақстан Республикасының азаматтары мен қоғамдық бірлестіктеріне референдумға шығарылған мәселе бойынша өз пікірін білдіру құқығына кепілдік беріледі.
Референдум қабылдаған шешімнің жарияланған кезден бастап Қазақстан Республикасының бүкіл аумағында міндетті түрде күші болады және республика Президентінің немесе мемлекеттік өкімет органдарының актілерімен растауды қажет етпейді.
Біздің ортақ мақсаттарымызды жүзеге асырудағы салмақтылық пен табандылық, жаңа жағдайға ашықтық пен қол жеткен жетістіктерді құрметтеу біздің ұлттық мүдделерімізге сай келетінін және бүкіл Қазақстан халқының игілігі үшін дамуға тікелей ықпал ететінін атап өткім келеді.
Владимир ВОЛКОВ,
Сенат депутаты
