18 Мамыр, 2010

ЗАҢ ЖОБАЛАРЫНЫҢ ДАЙЫНДЫҒЫ ҚАРАЛДЫ

487 рет
көрсетілді
1 мин
оқу үшін
Кеше Парламент Мәжілісінің Төрағасы Орал Мұхамеджановтың жетекшілігімен палата бюросының кезекті отырысы өтті. Онда Мәжілістің жалпы отырысына шығарылатын мәселелер сараланды. Депутаттардың талқысына кей­бір  заңнамалық актіге мұнай және мұнай өнімдерінің айналымы са­ласында мемлекеттік бақылауды күшейту мәселелеріне қатысты заң жобасы екінші оқылымда ұсыны­латын болды. Бұл жөнінде Заңнама және сот-құқықтық реформа ко­митеті мәлім етті. Сонымен қатар, Экология мә­се­лелері және табиғат пайдалану комитеті өрт қауіпсіздігіне қатысты заң жобасы бойынша Мәжіліс пен Сенат арасындағы келіспеу­ші­лік­тер­ді еңсеру жөніндегі келісім ко­мис­сиясының ұсыныстары туралы мәлімет берді. Бюро отырысында депутаттық кор­пустың заң шығарушылық қыз­ме­тіне қатысты басқа да мәселелер қаралды. “Егемен-ақпарат”.