Аймақтар • 05 Мамыр, 2022

Кәсіпкер өз есебінен спорт кешенін салып берді

278 рет
көрсетілді
1 мин
оқу үшін

Солтүстік Қазақстан облысында жеке кәсіпкер өз есебінен спорт кешенін салып, әйелдер арасында волейболды дамыту қолға алынды, деп хабарлайды Egemen.kz «Хабар 24» арнасына сілтеме жасап. 

 

Кәсіпкер өз есебінен спорт кешенін салып берді

Қайырбек Хамзин аумағы екі жарым мың шаршы метр болатын үш қабатты заманауи спорт кешенін салуға 600 млн теңге жұмсаған. Қазір мұнда 100-ден аса бала тегін жаттығады. Олардың ішінде жергілікті қыздардан құралған «Қуаныш» кәсіби командасы да бар. Жақында олар Азияның клубтық чемпионатында бірінші орынға ие болып, Таиланд, Иран, Қырғызстан мен Өзбекстаннан келген қарсыластарынан басым түсті. 

«Біз бұл доданың дебютанты болдық. Жалпы халықаралық жарысқа бірінші қатысуымыз. Финалда еліміз бен Азияның өткен жылғы чемпионы «Алтаймен» кездестік. Қиын болды. 2:0 жеңіліп жатып, соңында жеңіп кеттік. Бұл бізге әлем біріншілігіне қатысуға мүмкіндік береді», дейді «Қуаныш» волейбол клубы директорының орынбасары», дейді Степан Притула.