Қазақстан • 09 Мамыр, 2022

Қазақстан мен Мальдив визасыз режим туралы келісімге қол қойды

331 рет
көрсетілді
1 мин
оқу үшін

Қазақстан мен Мальдив визасыз режим туралы келісімге қол қойды, деп хабарлайды Egemen.kz ҚР Сыртқы істер министрлігіне сілтеме жасап.

Қазақстан мен Мальдив визасыз режим туралы келісімге қол қойды

«Мале, 2022 жылғы 9 мамыр - Қазақстан Республикасының Үкіметі мен Мальдив Республикасының Үкіметі арасында визалық талаптардан өзара босату туралы келісімге қол қойылды, бұл екі елдің азаматтарына Қазақстан мен Мальдивтер аумақтарына 30 күннен аспайтын мерзімге келуге және онда болуға мүмкіндік береді», делінген хабарламада.

Дегенмен Сыртқы істер министрлігі жұмысқа орналасу, білім алу немесе іскерлік мақсатта кіруге ниет білдірген адамдар тиісті визаны ресімдеуі қажет екенін хабарлады. 

2021 жылғы қазан айында Қазақстан мен Мальдив өз азаматтарына екі елдің шекараларын өту кезінде COVID-19 тестінің теріс нәтижесі бар ПТР анықтамаларын беру міндеттемесінен босататын вакцинация паспорттарын өзара мойындағаны мәлім.
 
Аяна Тоғанбек