Авола мен Этна өңірлері аралығын жалғаған 172 шақырымдық таулы кезеңді 4 сағат 32 минут 11 секундта жүріп өткен 25 жастағы неміс велошабандозы Леннард Камна («BORA – hansgrohe») мәре сызығын бірінші болып қиса, екінші және үшінші орындарды испаниялық Хуан Педро Лопес («Trek – Segafredo») пен эстониялық Рейн Таарамяэ («Intermarchе - Wanty - Gobert Matеriaux») иеленді. Дәл осы спортшылар жалпы есепте де көш басында үзеңгі қағыстырып келеді. Атап айтсақ, 24 жастағы Пиреней түбегінің түлегі Лопес ағарып алдан көрінді. Камна екінші орынға көтерілсе, Таарамяэ үшінші сатыға жайғасты.
Өкінішке қарай, ескі жарақатының сыр беруі салдарынан «Астана» клубы серкелерінің бірі Мигель Анхель Лопес төртінші кезеңде жарыс жолынан шығып қалды.
