Сонау Кеңес өкіметі кезінде пошта қызметі үлкен беделге ие болатын. Оның өзіндік себебі де бар еді. Барлық хабар-ошар, мерзімді баспасөз халыққа осы сала арқылы тарайтын. Өзіміз көргендей, ауыл адамдары поштаның келуін асыға күтетін.
Заман өзгерді. Байланыстың жетілдірілген түрі дамыды. Шындығы керек, қазір адамдар бір-біріне хат жазып жатпайды, барлығы ғаламтор арқылы атқарылуда.
Алайда, мұнымен пошта қызметі заман ағымына ілесе алмай қалып жатыр деген түсінік тумауы қажет. Пошта қызметіне ауылдық жерлерде әлі де сұраныс қалыптасып отыр. Аудандардың пошта бөлімшелерінде зейнетақы мен жәрдемақы, басқа да төлемдер жүзеге асырылуда.
Дегенмен, елімізде соңғы кездерде «Қазпошта» қызметінің төмендігі, оның жұмысын жетілдіру жөнінде әңгімелер жиі айтыла бастады. Бұл мәселе Парламенттің тұрақты комиссиясында да қаралды.
Бірақ еліміз өңірінде ырғақты жұмыс жасап жатқан пошта бөлімшелері бар екенін айтқан жөн. Соның бірі – Қазталов ауданының «Қазпошта» бөлімшесі. Біз осы ауданның пошта бөлімшесінің бастығы Жанар Табылдиеваны әңгімеге тартқан едік.
– Күні бүгінде ауданда 16 пошта бөлімшесі жұмыс жасаса, осының ішінде біреуі жылжымалы қызмет атқарады. Ауданымыз облыс орталығынан 300 шақырым шалғай жатса, ал аудан орталығынан елді мекендердің қашықтығы 100 шақырымнан асады. Әрі бұлармен қатынас жасайтын жолдар да төмен дәрежеде. Бірақ осы жағдайларға қарамастан газет-журналдар облыс орталығынан аптасына 5 рет тасымалданады. Жалпы, мерзімді баспасөздің уақтылы келуіне аудан тұрғындары дән риза.
– Енді жақында аудан тұрғындарын қуантатын тағы бір жұмыс қолға алынды. Ол – шалғайда тұратын адамдарға пошта қызметін көрсету үшін арнайы жабдықталған автокөліктің алынуы. Бұл көлікте байланыс, сейф, басқа да қызмет пайдаланушылар үшін қажетті жабдықтар орнатылған. Осы жылжымалы автокөліктің қызметін бұл күнде 500-ден астам ауыл тұрғындары пайдалануда. Нәтижесінде ауданымызда бірде-бір елді мекенде пошта орындары жабылған жоқ, – дейді «Қазпошта» мекемесінің бастығы.
Өзін Бақытқаным Сариева деп таныстырған азаматша аудан орталығынан 80 шақырым жерде шалғайда тұратынын айта келіп, жылжымалы пошта қызметінің жұмысына риза екендігін, себебі, ай сайын алатын зейнетақысын ауылға уақтылы әкелетінін және сабылып әрлі-берлі жүрмейтіндерін жеткізді.
Міне, шалғай аудандағы пошта қызметінің халыққа сапалы жұмыстар жасап жатқанына осы пікірден-ақ ой түйдік.
Темір Құсайын,
«Егемен Қазақстан».
Батыс Қазақстан облысы,
Қазталов ауданы.
–––––––––––––––––
Суретте: пошта қызметін атқаратын жылжымалы автокөлік.
Заман өзгерді. Байланыстың жетілдірілген түрі дамыды. Шындығы керек, қазір адамдар бір-біріне хат жазып жатпайды, барлығы ғаламтор арқылы атқарылуда.
Алайда, мұнымен пошта қызметі заман ағымына ілесе алмай қалып жатыр деген түсінік тумауы қажет. Пошта қызметіне ауылдық жерлерде әлі де сұраныс қалыптасып отыр. Аудандардың пошта бөлімшелерінде зейнетақы мен жәрдемақы, басқа да төлемдер жүзеге асырылуда.
Дегенмен, елімізде соңғы кездерде «Қазпошта» қызметінің төмендігі, оның жұмысын жетілдіру жөнінде әңгімелер жиі айтыла бастады. Бұл мәселе Парламенттің тұрақты комиссиясында да қаралды.
Бірақ еліміз өңірінде ырғақты жұмыс жасап жатқан пошта бөлімшелері бар екенін айтқан жөн. Соның бірі – Қазталов ауданының «Қазпошта» бөлімшесі. Біз осы ауданның пошта бөлімшесінің бастығы Жанар Табылдиеваны әңгімеге тартқан едік.
– Күні бүгінде ауданда 16 пошта бөлімшесі жұмыс жасаса, осының ішінде біреуі жылжымалы қызмет атқарады. Ауданымыз облыс орталығынан 300 шақырым шалғай жатса, ал аудан орталығынан елді мекендердің қашықтығы 100 шақырымнан асады. Әрі бұлармен қатынас жасайтын жолдар да төмен дәрежеде. Бірақ осы жағдайларға қарамастан газет-журналдар облыс орталығынан аптасына 5 рет тасымалданады. Жалпы, мерзімді баспасөздің уақтылы келуіне аудан тұрғындары дән риза.
– Енді жақында аудан тұрғындарын қуантатын тағы бір жұмыс қолға алынды. Ол – шалғайда тұратын адамдарға пошта қызметін көрсету үшін арнайы жабдықталған автокөліктің алынуы. Бұл көлікте байланыс, сейф, басқа да қызмет пайдаланушылар үшін қажетті жабдықтар орнатылған. Осы жылжымалы автокөліктің қызметін бұл күнде 500-ден астам ауыл тұрғындары пайдалануда. Нәтижесінде ауданымызда бірде-бір елді мекенде пошта орындары жабылған жоқ, – дейді «Қазпошта» мекемесінің бастығы.
Өзін Бақытқаным Сариева деп таныстырған азаматша аудан орталығынан 80 шақырым жерде шалғайда тұратынын айта келіп, жылжымалы пошта қызметінің жұмысына риза екендігін, себебі, ай сайын алатын зейнетақысын ауылға уақтылы әкелетінін және сабылып әрлі-берлі жүрмейтіндерін жеткізді.
Міне, шалғай аудандағы пошта қызметінің халыққа сапалы жұмыстар жасап жатқанына осы пікірден-ақ ой түйдік.
Темір Құсайын,
«Егемен Қазақстан».
Батыс Қазақстан облысы,
Қазталов ауданы.
–––––––––––––––––
Суретте: пошта қызметін атқаратын жылжымалы автокөлік.
