Коронавирус • 17 Мамыр, 2022

COVID-19: Бейжің метрополитенінде 100-ден аса станция жабылды

59 рет көрсетілді

Коронавирустың өршуі салдарынан мамыр айы басталғалы Бейжің метрополитеніндегі 100-ден аса станция жабылды. Бұл туралы қалалық метро әкімшілігі мәлім етті, деп хабарлайды Egemen.kz.

«17 мамырдағы мәліметтер бойынша өз жұмысын тоқтатқан Бейжің метрополитеніндегі станциялар саны 101-ге жетті. Жалпы саны 19 метро желісін қамтиды», делінген хабарламада.

4-12 мамыр аралығында Бейжің метрополитенінің әкімшілігі індеттің алдын алу және бақылау мақсатында 90-нан астам станцияны жапты. 4 мамырда жаппай жабылды, ол кезде 60-тан астам метро станциясы жабылған болатын. Сонымен қатар Қытай астанасының тұрғындарын коронавирусқа скринингтеу және тестілеу жалғасуда.

Дүйсенбіден бастап Бейжіңнің 12 ауданында COVID-19-ға жаппай тестілеудің кезекті кезеңі басталды. 22 сәуірден бастап Чаоян іскерлік ауданы ғана коронавирусқа жаппай тестілеудің 10-нан астам кезеңін өткізді. Сонымен қатар Бейжің билігі 17-24 мамыр аралығында Қытай астанасының оңтүстік-батысындағы Фэнтай ауданында карантин талаптарын күшейтті, онда 2 миллионнан астам адам тұрады. Фэнтай ауданының бірқатар жабық аймақтарында тұрғындарға үйлерінен шығуға кетуге тыйым салынады. Оларға ПТР-тест тапсыруға, қоқыс тастауға және сәлемдемелер алуға шығуға рұқсат етіледі. Көшеге шыққан кезде жергілікті тұрғындар N95/KN95 маскаларын тағуы керек.

Ресми мәліметтерге сәйкес, 22 сәуірден бастап Қытай астанасында COVID-19 жұқтырудың 1169 жағдайы тіркелген.

 

Соңғы жаңалықтар

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Елорда күніне тарту

Театр • Кеше

Ұқсас жаңалықтар