Кәсіби бағдар беретін фестиваль

Бүгінде колледждердегі білім сапасына қатысты айтылатын сын көп. Алайда жастарды жаңа кәсіпке баулуда, кәсіптік бағдар алып, жоғары оқу орнына дайындауға үлкен мән берілетін кәсіптік бағдарлы оқу орын­дарына заманауи кезеңде жа­ңаша көзқарас қалыптастыру қа­жет­тігі уақыт талабынан туындап отыр.

Алматы көпсалалы колледжінде «Менің болашақ мамандығым» тақы­ры­бымен өткен фестиваль кәсіп­тік-техникалық білімді мамандар даяр­лау­дың маңызын аша түсті. Бүгінде оңтүстік астанада 80-нен астам колледж болса, айтулы іс-шараға 50-ден астам колледждің оқытушылары мен студенттері қатысып, қала мектептері оқушыларының сауалдарына жауап берді.

Техникалық және кәсіптік білім беру жүйесінің онкүндігі шеңберінде қа­лалық білім басқармасы білім бе­ру­дегі жаңа технологиялардың ғылыми-әдістемелік орталығының ұйым­дастыруымен өткен фести­валь­­дің мақсаты – еңбек нарығында сұранысқа ие мамандықтарды таңдау, еліміз экономикасын дамыту жолында мектеп оқушыларын кәсіби бағдар алуға шақыру, қолдау көрсету.

Қалалық білім берудегі жаңа тех­но­логиялардың ғылыми-әдіс­те­ме­лік орталығы ТжКББ бөлім басшысы Гүлнар Жәлелқызының айтуынша, сегіз ауданның мектептерінен қатысқан оқушылар мол мағұлмат алып қана қоймай, болашақ бағ­да­рын анықтауға да мүмкіндік алды. Фестиваль оқушылардың ең­бек на­ры­­ғында сұранысқа ие маман­дық­тар туралы түсініктерін кеңейтуге, болашақ мамандықты саналы түрде таңдауға, сонымен бірге жұмысшы мамандықтардың беделін арттырып, болашақ түлектер арасында орта кәсіптік білімді танымал етуге ықпал етеді», деп атап өтті.

Фестиваль аясында қала мектеп­те­рінен жиналған 4 мыңнан астам оқушы техникалық және кә­сіптік білім беру ұйымдарына түсу ере­же­лерімен танысып, ма­ман­дық­тар туралы кеңей­тілген ақ­па­рат алды. Өздерін толған­дыр­ған сұ­рақ­тарға жауап алып, оқу­ла­рын кол­леджде жалғастыру туралы ойланып қайтқаны кездесудің нә­ти­желі болғанын көрсетеді. Бола­шақ талапкерлер көбіне АТ саласына, педагогикалық, медициналық, қо­ғам­дық тамақтану мамандықтарына қызы­ғушылық білдірген.

Гүлнар Жәлелқызы атап өткендей, көбіне балалары үшін ата-аналар мамандық таңдап жатады әрі мұның көп жағдайда оң нәтиже беретіні анық. Сондықтан фестивальге ата-аналар да шақырылып, балалармен бірге қажетті ақпараттар алды. Тіп­тен, кейбір ата-аналардың бала­ла­рын колледжге жібермейміз де­ген ра­йынан айнып қайтқаны қуан­­тады. Колледж студенттерінің өз ма­ман­дық­тарына байланысты дайын­даған тақырыптық нөмірлері келушілердің қызығушылығын арттыра түсіп, жылына бір мәрте өтетін фестивальді қай­талап өткізуге ұсыныс білдірді.

АЛМАТЫ