Аймақтар • 19 Мамыр, 2022

Қызылордада 134 млн теңге бюджет қаржысы ұрланған

297 рет
көрсетілді
1 мин
оқу үшін

Қызылорда облысында прокуратура тарапынан 2021-2022 жылдары 134 млн теңгеге бюджет қаражатын жымқырудың 5 дерегі бойынша сотқа дейінгі тергеп-тексеру басталды, деп хабарлайды Egemen.kz.

Қызылордада 134 млн теңге бюджет қаржысы ұрланған

Қызылорда облысында прокуратура тарапынан жүргізілген іс-шаралар нәтижесінде 2021 және 2022 жылдары мемлекеттік сатып алудың барлық сатысында заң бұзушылықтарға жол берілгені анықталды. Мұндай келеңсіздіктер қатарында құрылыс нысанының жобалау-сметалық құжаттамаларын әзірлеуден бастап, мемлекеттік сатып алуды өткізу, құрылыс жұмыстарын жүргізу және нысанды қабылдау процесстерінде тіркелген жағдайлар бар.

«Құрылыс барысында жобалау-сметалық құжаттамадан жекелеген жұмыстарды алып тастап, орнына негізсіз қымбат материалдарды қосу деректері кездесті. Прокуратура тарапынан 2021-2022 жылдары 134 млн теңгеге бюджет қаражатын жымқырудың 5 дерегі бойынша сотқа дейінгі тергеп-тексеру басталды», деп түсіндірді Қызылорда облысы прокуратурасының басқарма басшысы Айдос Әбдібаев.

Ведомство ұсынған мәліметке сәйкес, 2021 жылы Қазалы ауданы әкімдігі ғимаратының құрылыс жұмыстарында мердігер мекеме тарапынан 6 млн теңгенің жұмысы атқарылмай қалған. Бұл бойынша ауданның құрылыс бөлімінің басшысы ҚР Қылмыстық кодексінің 361-бабының 4-бөлігімен жауаптылыққа тартылған.

«Осындай тағы бір дерек Қызылорда қаласындағы Сырдария өзенінің сол жағалау бөлігіндегі «Шіркейлі» арнасы арқылы көпірді салу кезінде тіркелген. Онда 30 млн теңгенің жұмыстары жасалмағаны анықталды. Бұл бойынша биыл 13 мамырда облыс прокуратура тарапынан ҚР Қылмыстық кодексінің 189-бабының 4-бөлігімен сотқа дейінгі тергеп-тексеру тіркелді», деді Айдос Әбдібаев.

Соңғы жаңалықтар

Су үнемдейтін қондырғы

Технология • Кеше