Оқиға • 19 Мамыр, 2022

Түрмеге ұялы телефон алып өтпек болған жүргізуші ұсталды

195 рет
көрсетілді
1 мин
оқу үшін

БҚО бойынша қылмыстық-атқару жүйесі департаментінің баспасөз қызметі мәлім еткеніндей, телефондарды алып өту оқиғасы 18 мамыр күні қауіпсіздігі барынша жоғары мекемеде болған, деп хабарлайды Egemen.kz.



Түрмеге ұялы телефон алып өтпек болған жүргізуші ұсталды

«Мекеменің жедел қызметкерлеріне түрме аумағына тыйым салынған заттарды алып өтуге дайындық жүріп жатқаны жөнінде ақпарат түскен. «Б» жеке мекемесінің «Т» есімді жүргізушісінің автокөлігін тексеру барысында ауа компрессоры баллонынан 38 ұялы телефон табылған. Оның 30-ы – смартфон. Сондай-ақ 42 қуаттау құрылғысы, 10 сымсыз және 3 сымды құлаққап шыққан», деді РУ-170/3 мекемесінің бастығы, әділет полковнигі Магнис Сабыров.

Оқиға орнына жедел тергеу тобы шақыртылып, тыйым салынған заттарды тәркілеу актісі түзілді. Қазір аталған дерек бойынша қызметтік тексеру жүргізіліп жатыр.