«Адам және қоғам» қоғамдық бірлестігінің ұйымдастыруымен өткен іс-шараның мақсаты халқымыздың мәдени дәстүрін жастар мен өскелең ұрпақ арасында дәріптеу болып табылады. Халық тұрмысында киіз аса қажетті бұйым ретінде кәдеге асқан. Суыққа төзімді келетіндіктен, табиғи жүннен басылған киіз үйдің жабуына, еден төсеніші ретінде пайдаланылған. Шеберлер алуан түрлі бұйымдар жасау үшін де киізді қолданған. Киізден киім тігіп, кебеже, аяққап, тағы басқа тұрмысқа қажетті бұйымдарда пайдаға асып отырған.
Қоғамдық қордың директоры Гүлім Нұрғалиеваның айтуынша, халқымыздың қолданбалы өнерінің ерекшелігін дәріптеп, киіз басу өнерін жандандыруға бағытталған шараға қатысушылар халық тұрмысынан қолданысына қатысты ақпараттар алып, өндірісте кәдеге асу барысымен танысты. Осы орайда Г.Нұрғалиева кейінгі жылдарда қолөнершілердің түрлі-түсті бояулармен әсемдей отырып, сәндік бұйымдарды пайдаға жаратуы киіздің өміршеңдігінің нышаны, дейді.
АЛМАТЫ
