Қызылорда облысында абайсызда арыққа құлап кеткен сәби көз жұмды

Оқиға бүгін, 21 мамырда сағат 12:00 шамасында болған. Қызылорда қаласына қарасты Қараөзек ауылында тұратын 2017 жылғы сәби балалармен бірге дүкенге шығып кеткен.

«Сәби абайсызда ауылға кіре берісте орналасқан арыққа құлап кетіп, сол жерде қаза болған. Ауыл тұрғындары оның жансыз денесін өз күшімен шығарып алған», деп мәлім етті Қызылорда облыстық төтенше жағдайлар департаменті өрт сөндіру және авариялық-құтқару жұмыстары қызметінің баспасөз хатшысы Әлия Ережепова.

Аяна Тоғанбек