Спорт • 23 Мамыр, 2022

Түрік қыздары топ жарды

16 рет көрсетілді

Түркияның Ыстанбұл қаласында бокстан әйелдер арасында өткен әлем чемпионаты өз мәресіне жетті. Бұл жарыста Қазақстанның бес өкілі жеңіс тұғырына көтерілсе, солардың арасынан Алуа Балқыбекованың ғана алтын алуға мүмкіндігі болды. Алайда ол финалда жер­гілікті былғары қолғап шебері Айсе Чагирырға 2:3 есебімен есе жіберді. Нәтижесінде, 1 кү­міс пен 4 қоланы иеленген отандастарымыз жал­­пы­ко­мандалық есепте сегі­зінші орын­ға тұрақтады.

Аталған жарыс Түркия құрамасының жар­қын жеңісімен аяқталды. Финалға шыққан Анадолы елінің бес боксшысының барлығы да жеңіске жетіп, алтыннан алқа тақты. Әсіресе, біз Токио Олимпиадасы мен Улан-Удэдегі әлем чемпионатының жеңімпазы Бусеназ Сюрменелидің өнеріне айрықша риза болдық. 66 кило салмақта жұдырықтасқан ол ақтық сында жасөспірімдер арасындағы әлем чемпионы, Панамерика ойындарының қола жүл­дегері канадалық Чарли Кавананың тас-тал­қанын шығарды. Төреші жекпе-жекті үшінші раундта тоқтатты. Ал Бусе Чакыроғлы (50 кило) колумбиялық Лорено Валенсия Викторияны, Хатике Акбас (52 кило) румыниялық Лакрамиора Перийокты және Сеннур Демир (+81 кило) марокколық Хайжа Мердиді жеңді. Оған аса жеңіл салмақтағы Айсе Чагирырдың бас жүлдесін қосыңыз. Сондай-ақ түрік қыздарының қоржынында тағы екі қола медаль бар.

Бас жүлденің екеуін олжалаған Ирландия құрамасы жалпы есепте екінші орынды иеленді. Бұл ретте Ами Сара Броадхурст (63 кило) пен Лиза Едел Ороуркеге (70 кило) тең келер ешкім табылмады. Ақтық сайыста алғашқысы алжирлық Иман Хелифтен айласын асырса, екіншісі мозамбиктік Елена Пангуаннан басым түсті. Сол секілді үндістандық Зарен Нихат (52 кило), тайпейлік Ю Тин Лин (57 кило), амери­­калық Рашида Шакилла Эллис (60 кило), канадалық Таммара Цибаулт (75 кило) және латвиялық Габриеле Стонкуте (81 кило) осы жарыста алдарына жан салмады.

Міне, аталған мемлекеттердің былғары қолғап шеберлері жерлестеріміздің алдын орады. Қазақстан құрамасы сапындағы күміс алған Алуа Балқыбековадан бөлек, Жайна Шекербекова (52 кило), Дина Жоламан (54 кило), Карина Ибрагимова (57 кило) және Вален­тина Хальзова (70 кило) қола медальды қанағат тұтты. Биылғы әлем чемпионатында бар­лығы 26 мемлекеттің өкілдеріне жүлде бұйырды.

Соңғы жаңалықтар

Газеттер «сөйлеген» күн

Қазақстан • Бүгін, 08:34

Түркияда бақ сынайды

Спорт • Бүгін, 08:33

Әбиба қола алды

Спорт • Бүгін, 08:32

«Уимблдон» додасы басталды

Спорт • Бүгін, 08:30

Байтұрсыновқа арналған байқау

Ахмет Байтұрсынұлы • Бүгін, 08:22

Мемлекетті айыптап отыр

Әлем • Бүгін, 08:17

Сал-серінің соңы

Қазақстан • Кеше

GGG – CANELO: Ер кезегі үшке дейін...

Кәсіпқой бокс • Кеше

Алаш ардақтысын түркі әлемі ұлықтады

Ахмет Байтұрсынұлы • Кеше

Біздің Сайын

Әдебиет • Кеше

Мағжанның қарасөздері

Әдебиет • Кеше

Саф ауадағы серуен

Егемен Қазақстан • Кеше

Ұқсас жаңалықтар