Азияның ең үздік велошабандозы деп танылған жерлесіміз ондай құрметке әбден лайық. 29 жастағы Солтүстік Қазақстан облысының тумасы 2011 жылдан бері «Астананың» сапында өнер көрсетуде. Ол Қазақстан біріншілігі мен Хайнань, Алматы, Оман турларының бірнеше дүркін жеңімпазы. Луценко 2017 жылы «Испания Вуэльтасының» кезеңдік сайысында топ жарды. Ұлттық командамыздың сапында 2014 жылы Инчхон мен 2018 жылы Жакартада алауы тұтанған жазғы Азия ойындарында бас жүлдені олжалады. 2017 жылы Бахрейнде Алексей құрлық чемпионы атанды. Сондай-ақ UCI-дің құрлықтық рейтингінде Қазақстан құрамасы бірінші орынды иеленсе, «Астана» клубы екінші орынды олжалады.
Ал «Джиро д’Италия» көпкүндігінің 14 кезеңі Саймон Йейтстің (BikeExchange-Jayco) жеңісімен аяқталды. «Астананың» велошабандоздары арасында ең үздік нәтиже әлі де Виченцо Нибалиге тиесілі. Бұл жолы ол мәреге төртінші болып жетті. Осы нәтижесінің арқасында Нибали жалпы есепте сегізінші сатыға көтерілді.
