Қаржы • 23 Мамыр, 2022

Тұрғындар қандай депозитке көбірек сенеді?

32 рет көрсетілді

Ұлттық банк мәліметінше, жыл басынан бері банктердегі депозит көлемі 312 млрд теңгеге төмендеген. 2022 жылдың 1 қаңтарындағы жағдай бойынша депозиттерде 13,4 трлн теңге жатса, 1 сәуірде оның көлемі 13,1 трлн теңгеге дейін азайған.

Осылайша, жыл басынан бері халықтың банктердегі салымы 2,2 пайызға немесе 312,1 млрд теңгеге азайып қалған. Қазақстандықтар ақша­сының негізгі бөлігін дәстүрлі түрде шұғыл депозиттерде сақтайды. Оның көлемі қазір 9,71 трлн теңгені құрайды, жыл басталғалы 2,2 па­йыз­ға азайыпты (2022 жылдың 1 қаңтарында 9,93 трлн теңге болған).

Көлемі бойынша келесі орында талап етуге дейінгі депозиттер мен ағымдағы шоттар тұр – 2,28 трлн теңге (-5 пайыз) және жинақтаушы депозиттер – 1 трлн теңгеден асады (+2,8 пайыз). Шартты депозиттердегі ақша көлемі 9,7 пайызға, 4,5 млрд теңгеден 4,06 млрд теңгеге дейін төмендеген.

Сондай-ақ азаматтардың көбі салымын теңгемен сақтағанды жөн көреді. Қазіргі кезде 8,3 трлн теңге ұлттық валютамен, 4,7 трлн теңге шетел валютасымен сақтаулы тұр. Соң­ғы уақыттары Қазақстанда тең­гелей депозиттер бойынша ставка ұлғайды. Бұл базалық мөлшерлеменің 13,5-тен 14 пайызға дейін жоғарылауымен байланысты.

Салым жинау жағынан 22 банктің 18-інде өсім бар. Екінші деңгейлі банк­тер ішінде жылдық өсім тұрғысынан көш басында Bank RBK (351 млрд теңге), «Отбасы банк» (2,09 трлн теңге) және Altyn Bank (211,3 млрд теңге) қаржы институттары тұр. Жал­пы, депозит портфеліндегі жеке тұлға салымдарының үлесі 51 па­йызға жеткен.

Соңғы жаңалықтар

ТүркПА-ның атауы өзгереді

Парламент • Кеше

Алматы жолдарын су басты

Аймақтар • Кеше

Ұқсас жаңалықтар