Анттың әр сөзі зор жауапкершілік

Саяси мемлекеттік қызметшілер Мемлекет басшысы Нұрсұлтан Назарбаевтың алдында ант берді, деп хабарлады Президенттің баспасөз қызметі. Қазақстан халқы мен Пре­зи­дентіне Жоғары Сот Кеңесінің төрағасы Б.Бекназаров, Рес­пуб­ли­калық бюджеттің атқа­рылуын бақылау жөніндегі есеп комитетінің төрағасы Қ.Жаң­быр­шин, Президент Күзеті қызметінің бас­тығы Ә.Садықұлов, бірқатар Үкімет мүшелері мен облыс әкім­дері салтанатты түрде ант берді. Мемлекет басшысы берілген анттың әр сөзі зор жауапкершілік жүктейтінін атап өтті. – «Қазақстан-2050» Стра­тегиясы және әлемдегі дамыған 30 елдің қатарына қосылу жөніндегі мақсатымыз аясында мемлекет алдына биік міндеттер қойып отыр. Сондықтан сіздердің әрқайсыңыз өз салаларыңыз бойынша жүк­телген міндеттерді ең жоғары дең­гейде орындауға тиіссіздер. Сіздердің парыздарыңыз ел экономикасын жақсарту, әрбір өңір тұрғындарының әл-ауқатын арттыру, халықтың бірлігін сақтау болмақ. Егер әркім өз жұмысын ойдағыдай атқаратын болса, біз алға қойған барлық мақсаттарға қол жеткізе аламыз, – деді Нұрсұлтан Назарбаев. ----------------------------------------- Суретті түсіргендер С.БОНДАРЕНКО, Б.ОТАРБАЕВ.