Оқиға Абадан қаласының Теленжи Эмири кварталында салынып жатқан «Абадан Метрополь» іскерлік орталығында болған. Иран Ислам Республикасының Төтенше жағдайлар департаментінің өкілі Муджтеба Халидидің мәліметінше, қаза тапқандардың саны 14-ке, ал жарақат алғандардың қатары 32-ге жетті. Қирандының астында 80 адам болуы мүмкін деген болжам бар.
Қазіргі уақытта оқиға орнында бірнеше құтқару және өрт сөндіру бөлімшелері, сондай-ақ дәрігерлер жұмыс істеуде. Билік тағы 50-ге жуық құтқарушылар тобын, сондай-ақ зардап шеккендерді ауруханаға эвакуациялау үшін тікұшақты да жұмылдырды.
Полиция қызметкерлері апатқа қатысы бар деген 8 күдіктіні қамауға алды. Оқиға себебі анықталуда.
Салтанат Кенжебай
