Теннис • 27 Мамыр, 2022

«Уимблдонда» өнер көрсетеді

12 рет көрсетілді

Теннистен Қазақстан әйелдер құра­ма­сының капитаны Ярослава Шве­дова аме­рикалық Ваня Кингпен бірге «Үлкен дулыға» санатындағы «Уимблдон» тур­нирі аясында өтетін Ladies lnvitational Doubles жарысына қатысады.

Аталған додада спорттық жолын аяқтаған ойыншылар өнер көрсетеді. «Ұзақ үзілістен кейін үлкен кортқа қайта оралатыныма қуаныштымын. Ұлыбританияда Ванямен кездесуді асыға күтемін. Енді лайықты өнер көрсету үшін дұрыстап жаттығу керек», дейді Я.Шведова. Айта кетейік, 2010 жылы Ярослава мен Ваня 145 жылдық тарихы бар «Уимблдон» бәсекесінің жұптық кезеңінде топ жарған еді. Олар финалда ресейлік Елена Веснина мен Вера Звонаревадан екі сетте – 7:6, 6:2 есебімен басым түскен болатын.

Сондай-ақ қазақстандық жас теннис­шілер Аружан Сағындықова мен Мак­сим Ба­тютенко жастар арасындағы Фран­ция ашық чемпионатының іріктеу кезеңдерінде бақ сынайды. Екі теннисші де Team Kazakh­stan академиясының түлектері. Жастар ара­сын­дағы «Ролан Гаррос» бәсекелері 29 мамыр мен 4 маусым аралығында Парижде өтеді.

Соңғы жаңалықтар

Цифрландыру – өзекті мәселе

Үкімет • Бүгін, 00:49

БҰҰ-ның Жаһандық шартына қосылды

Экономика • Бүгін, 00:34

Жеті түрлі сөз

Әдебиет • Кеше

Антына адал азамат

Қазақстан • Кеше

Елорда күніне тарту

Театр • Кеше

Ұқсас жаңалықтар