ҚАЗАҚСТАН ТӘЖІРИБЕСІ ҚЫЗЫҒУШЫЛЫҚ ТУҒЫЗДЫ

17-18 мамырда Римде (Италия) “Мораторийден өлім жазасын жоюға дейін. Тір­шіліксіз сот төрелігі болмайды” деген тақырыпта әділет министрлерінің халық­аралық 5-ші кездесуі болып өтті. Кездесу барысында өлім жазасына мораторий жариялау, өлім жазасына ба­ла­малы жазалау түрлерін қолдану мә­се­ле­лері және қылмыстық-құқықтық санк­ция­ларды ізгілендірудің өзге де қырлары талқыланды. Қазақстан Республикасының Әділет министрі Рашид Түсіпбеков өз сөзінде Қазақстан тәуелсіздік алған сәттен бастап мемлекеттік саясаттың басты негізі адамның құқығы мен бос­тан­дықтары бо­лып табылатын демо­кра­тиялық, за­йыр­лы және құқықтық мемлекет құру жолын таңдағанын атап өтті. Р.Түсіпбеков фо­рум­ға қаты­су­шыларға Қазақстанның өлім жа­засын жою бойынша қабылдаған ша­ралары мен мемлекеттің құқықтық сая­сатының негізгі бағыттары туралы ақ­парат берді. Соның ішінде, елде Қазақстан Пре­зи­ден­тінің Жарлығымен 2003 жылы өлім жазасына толық бас тар­тыл­ғанға дейін мораторий жария­ланғанын айтып өтті. Қазақстан Республикасының Конс­ти­туциясына 2007 жылы аса ауыр жаза көз­делуі мүмкін қылмыстық іс-әре­кет­тердің тізбесін едәуір қысқарту бо­йынша ен­гізілген өзгерістер туралы ақпарат кез­десуге қатысушылардың қызығушылығын туғызды. Бұл өзгеріске сәйкес мұндай қылмыстарға адам­дардың қаза болуымен байланысты террорлық қылмыстар, сондай-ақ соғыс уақытында жасалған ерекше ауыр қылмыстар жатады және жазаға ке­сілген адамның кешірім жасау туралы өтініш ету хақы бар. Сонымен қатар, Р.Түсіпбеков Қаз­ақстан Республикасы Президентінің 2009 жылғы 24 тамыздағы Жарлығымен бе­кі­тілген Қазақ­стан Республикасының 2010 жыл­дан 2020 жылға дейінгі кезеңге ар­налған құқықтық саясат тұжы­рым­да­масының ережелерін іске асыру аясында қылмыстық-атқару жүйесін же­тілдіру мен дамытудың перс­пективалары туралы ақпарат берді, деп хабарлады Әділет министрлігінің баспасөз қызметі.