Елімізде болған күрделі оқиғалар халықтың бірлігі мен мықтылығын сынап көрді. Сыртқы күштердің шабуылына ұшырадық. Қордаланып қалған мәселелер бүгін шешуді қажет етеді. Әділ Конституция ғана халықтың талап-тілегіне негізделмек. Біз енді елдің жасампаздық күшін ортақ мақсат жолына бұрғымыз келеді. Референдумда барлық тараптың үнін еститін боламыз.
Демократияны, ашық қоғам мен әділдікті орнатуда әрбір қазақстандықтың мүмкіндігі болуы керек. Референдум қоғам талабына жауап береді. Конституцияның жаңа редакциясы биліктің барлық деңгейінде саяси конфигурацияны түбегейлі өзгертеді. Қазақстан мен оның халқы ғана өзгеріссіз қалады. Халық пен мемлекеттің мүддесі сақталады. Референдумнан кейін біз мемлекет пен азаматтарымыздың өзара жауапкершілігінің нақты алгоритміне қол жеткіземіз. Ата Заңға енгізілетін түзетулерді қолдап, барынша белсенділік танытуымыз керек.
Бұл тек өзімізге ғана емес, ниеттес және алыс-жақын елдерге, барша әлемге берген жауабымыз болмақ. Дүниежүзі біздің бірлігімізді, Мемлекет басшысы Қасым-Жомарт Тоқаевтың ұстанған бағытын қолдайтынымызды көретін болады. Қазақстанның көпұлтты болуы біздің стратегиялық ресурсымыз екені анық. Ендеше, еліміздің мақсаты айқын, ынтымағы берік екенін дәлелдейтін сәт туып тұр.
Ахмет МҰРАДОВ,
қоғам қайраткері,
Қазақстанның «Вайнах» чешен және ингуштар қауымдастығының тең төрағасы,
Қазақстан халқы Ассамблеясы Кеңесінің мүшесі
