![Жалған банк қызметкерлерінің екі тобы ұсталды](/media/2022/05/31/crop-5_6_523x789_ee.jpg)
Қарағанды қаласының полициясы мен қаржы ұйымдарының өздерін қауіпсіздік қызметінің қызметкері ретінде таныстырған адамдардың алаяқтық әрекеттерінің күшейгені туралы ескертулеріне қарамастан, біздің азаматтарымыз белгісіз есепшоттарға қыруар қаржы аударуды жалғастырып жатыр.
6 мамырда Теміртау қаласының Ескі қалалық полиция бөліміне 38 жастағы тұрғыны арызданған. Республика банктерінің бірінің «қызметкері» оның телефонына 13 күн бойы хабарласып, жинақ ақшасын сақтаймын деген сөзімен 11 миллион теңгеге жуық ақшаны иемденіп алған. Жәбірленуші мобильді банкинг арқылы белгісіз шотқа ақша аударған.
«Алматы қаласының криминалдық полиция қызметкерлері арнайы шаралар барысында осы қылмысты жасады деген күдікпен Қарағандының 31 және 27 жастағы екі тұрғынын ұстады. Жедел іздестіру іс-шаралары кезінде ер адамдардан бірнеше банктің төлем карталарын тапты. Олардың біреуінің аты-жөні белгісіз және басқа біреудің жеке куәлігі. Сонымен бірге ұсталғандардың тұрғылықты жері бойынша Қарағанды қаласында да тергеу амалдары жүргізілді. Оқиға орнынан олар бірнеше төлем картасын тапты», дейді Қарағанды облысы Полиция департаменті бастығының орынбасары Әбіл Әбілдин.
Қарағанды облысының ПД Киберқылмысқа қарсы күрес басқармасының қызметкерлері тұрақты негізде азаматтардың шоттарынан ақша жымқыруға қатысы бар адамдарды анықтау жұмыстарын жүргізуде. Осыған дейін Қарағанды облысының Полиция департаментінің қызметкерлері банктің күзет қызметімен бірлесіп, басқа банк карталарын да пайдаланып, жәбірленушінің несие ретінде берген ақшасын алып кетпек болған бір топ адамды құрықтап, полицияға өткізген болатын.
Тергеу барысында ұсталған азаматтан 9 млн теңгеге жуық ақша мен түрлі банктердің жеті төлем картасы, ұялы телефондар, ақпарат тасымалдағыш (флешка) және SIM-карталар, сондай-ақ интернет-роутерлер алынды. Олардың шығыны шамамен 40 млн теңгені құрайды.
Барлық фактілер бойынша Қазақстан Республикасы Қылмыстық кодексінің 190-бабының 3-бөлігі (Алаяқтық) бойынша қылмыстық іс қозғалып, соттың санкциясымен күдіктілердің барлығы қамауға алынды. Полицейлер олардың Қазақстан аумағында осыған ұқсас басқа да алаяқтық фактілеріне қатыстылығын тексеріп жатыр. Жалған банк қызметкерлерінің мүлкі алынып, жеті жылға дейін бас бостандығынан айырылуы мүмкін.
Аяна Тоғанбек