ҚЫЗМЕТТЕСТІКТІҢ ЖАҢА ҚЫРЛАРЫ

Кеше Премьер-Министр Кәрім Мәсімов Австрия өнеркәсіпшілері бірлестігі делегациясымен – ұйымның президенті Вайт Зоргер бастаған австриялық ірі компаниялар басшыларымен кездесті, деп хабарлады Премьер-Министрдің баспасөз қызметі. Кездесу барысында Қазақстан мен Австрия арасындағы сауда-экономикалық саладағы қызмет­тес­тіктің ағымдағы жағдайы мен перс­пективалары талқыланды. В.Зоргер австриялық бизнес өкілдерінің қазақстандық әріп­тес­те­рімен энергетика, көлік, құры­лыс, мәшине жасау, теле­ком­му­ни­кациялар, тамақ өнім­дерін өндіру мен өңдеу және эко­номиканың бас­қа да салаларын­дағы қызмет­тес­тікті нығайтуға және іскерлік бай­ланыстарды кеңейтуге мүдделі екендігін жеткізді. Өз кезегінде К.Мәсімов авс­трия­лық бизнесмендерге Қазақ­стан­да 2007-2009 жылдары қабыл­данған экономиканы тұрақтандыру шаралары және елдің дағдарыстан кейінгі кезеңдегі экономикалық даму болашағы жөнінде хабарлады. Республика Президенті Нұрсұлтан Назарбаев бекіткен елді дамытудың 2020 жылға дейінгі стратегиялық жоспарын орындау аясында, сол сияқты үдемелі индустриялық-ин­но­вациялық дамудың бесжылдық мемлекеттік бағдарламасын жүзеге асыруға байланысты Үкімет инвес­ти­циялық, салықтық жағдайларды жақ­сарту және Қазақстанда биз­несті жүргізу үшін қолайлы ахуал қалыптастыру саясатын жоспарлы түрде жүзеге асыруда. Осы орайда К.Мәсімов 170 миллион адамнан асатын Кеден одағының өткізу ры­ногы Қазақстанда өнім шығаратын инвесторлар үшін аталған инте­грациялық бірлестікке мүше елдер аумағында тауар өткізуге қосымша артықшылықтар беретінін айрықша атап көрсетті. Австрияның өнер­кә­сіп кәсіпорындарының Қазақ­стан­ды индустриялық дамыту жоспа­ры­на үйлесімді қосылуына болады. Бізде технологиялар тар­туға жағдай жасайтын шикізат ресурстары бар. Мұндай жағдайда технологиялар мен Австриядағы бизнесті жүргізу деңгейі, сол сияқ­ты Қазақстанның геогра­фия­лық жағдайы мен шикізаттық мүмкіндіктері бірін-бірі толық­ты­ра түсетін фактор болып табы­ла­ды, деді К.Мәсімов. Сол сияқты Қазақстан Үкі­меті­нің басшысы компания пре­зиденті Йон Сенс бастаған “Sіemens AG” АҚ өкілдерімен де кездесті. Кездесу кезінде көлік саласын­дағы қызметтестікті дамытудың көкейкесті мәселелері талқыланды. И.Сенс компанияның қазіргі заманғы электровоздар мен жаб­дықтарды оларға қатысты техноло­гиялар трансфертімен қоса шығару жөніндегі жобаны жүзеге асыруға, жоғары біліктіліктегі жұмыс орын­дарын жаңадан ашу мен өндірісті дамытуға мүдделі екенін жеткізді. К.Мәсімов Қазақстанның қыз­меттестікті өзара тиімді әріптестік принципінде құруға, сондай-ақ елді индустриялық-инновациялық да­мыту мақсаттарына жауап беретін, қазақстандық мазмұнды ұлғайтуға және жергілікті тұрғындарды оқы­туға бағытталған жоғары тех­но­логиялық өнеркәсіптік жобалар­ды жүзеге асыруға дайын екенін хабарлады. Осы күні түстен кейін Премьер-Министр К.Мәсімов Қазақстанда 3G үшінші буындағы ұялы бай­ланыс стандартын енгізу және жиіліктерді жұмыс істеп тұрған ұялы байланыс операторлар ара­сында ақылы негізде бөлу мәсе­лелері бойынша жұмыс бабындағы кеңес өткізді.