«Republic of Turkey (Түркия Республикасы) Republic of Türkiye болып өзгертілді», деді Дюжаррик.
Оның айтуынша, аталған өзгеріс түрік билігі өтінім білдірген соң бірден күшіне енген.
«Ел атауының қысқа нұсқасы енді Turkey емес, Türkiye болады. Дегенмен алфавит бойынша Түркияның орны өзгермейді», деп қосты Дюжаррик.
Түркия Сыртқы істер министрі Мевлүт Чавушоғлы түсіндіргендей, Түркия атауының жазбаша нұсқасын өзгерту Анкараның «елдің халықаралық аренадағы беделін арттыруға» бағытталған қадамдарының бір бөлігі ретінде қабылданған.
Бұған дейін Тайланд билігі Бангкоктың ресми атауын латын графикасында шет тілдерінде жазу үшін Bangkok емес, Krung Thep Maha Nakhon деп өзгерту туралы шешім қабылдаған болатын. Шет тілдеріндегі астаналар атауларын жергілікті тілдің дыбысына көбірек сәйкес келтіру туралы шешімді Қытай да қабылдап, Пекинді Beijing-ге, ал Мьянма Rangoon-ды Yangon-ға өзгерткен болатын.
